యూఏఈ: వీసా సమస్యలు, దుబాయ్‌లో ఓవర్‌స్టే జరిమానాలు, గడువు ముగిసిన అనుమతులు మొదలైనవాటిని క్రమబద్ధీకరించుకోవడానికి అవకాశం వచ్చింది. GDRFA  దుబాయ్ దెయిరా  సిటీ సెంటర్‌లో ఫిబ్రవరి 25 నుండి 27 ఉదయం 10 నుండి రాత్రి 10 గంటల వరకు 'ఏ హోమ్ ల్యాండ్ ఫర్ ఆల్' పేరుతో 3 రోజుల ప్రత్యేక క్యాంపెయిన్ నిర్వహిస్తోంది. ఈ సందర్భంగా నివాసితులు, సందర్శకులు తమ వీసా సంబంధిత సమస్యలను పరిష్కరించుకోవచ్చు. ముఖ్యంగా ఓవర్‌స్టే జరిమానాలు, గడువు ముగిసిన వీసా సమస్యలను పరిష్కరించుకోవచ్చు. వీసా గడువును మించి దాదాపు 10 సంవత్సరాలు ఎక్కువ కాలం దుబాయ్ లో గడిపినప్పటికీ ఈ ప్రత్యేక కేంద్రంలో పరిష్కారం లభిస్తుందని అధికారులు తెలిపారు. దేశంలో ఉండటానికి అనుమతులను క్రమబద్ధీకరించుకోవాలనుకునే వారందరూ ఈ అవకాశాన్ని ఉపయోగించుకోవాలని GDRFA దుబాయ్ సూచించింది.