‘చిలసౌ’ సినిమాతో తెలుగు తెరకు హీరోయిన్‌గా పరిచయమైన ముద్దుగుమ్మ రుహానీ శర్మ. లో బడ్జెట్, చిన్న సినిమానే అయినా ఈ సినిమాతో మంచి పేరు కొట్టేసిందీ అందాల భామ.

ఆ తర్వాత ఒకటీ అరా సినిమాల్లో నటించిందనుకోండి. ప్రస్తుతం వెబ్ సిరీస్‌లతోనూ, హాట్ హాట్ ఫోటో షూట్లతోనూ బిజీగా గడుపుతోంది. అయితే, తాజాగా ఓ సీనియర్ హీరోతో ఛాన్స్ కొట్టేసింది. ఆయన మరెవరో కాదు, విక్టరీ వెంకటేష్.

విక్టరీ వెంకటేష్ హీరోగా ‘హిట్’ ఫేమ్ శైలేష్ కొలను తెరకెక్కిస్తున్న మూవీ ‘సైంధవ్’. ఫస్ట్‌లుక్‌తోనే ఈ సినిమా క్యూరియాసిటీ క్రియేట్ చేసింది. ఈ సినిమాలో హీరోయిన్‌గా రుహానీ శర్మ పేరు తెర పైకి వచ్చింది.

శైలేష్ కొలను‌ డైరెక్షన్‌లో ఆల్రెడీ ‘హిట్’ సినిమాలో నటించింది రుహానీ శర్మ. మళ్లీ ‘సైంధవ్’ కోసం కూడా రుహానీనే ఎంగేజ్ చేశాడనీ తెలుస్తోంది. అయితే రుహానీ కెరీర్‌కి ఈ సినిమా ప్లస్ అయ్యే ఛాన్స్ లేకపోలేదు. ఎంతైనా సీనియర్ హీరోతో జోడీ కడుతోందిగా.!