హై క్రిమినల్‌ అపీల్స్‌ కోర్ట్‌ ఇద్దరు బహ్రెయినీలకు జైలు శిక్ష విధించింది. పోలీసుల వేషంలో ఇద్దరు వ్యక్తులు ఓ మహిళ ఇంట్లో ఉండగా, తలుపుతట్టి పాస్‌పోర్ట్‌ చెక్‌ చేస్తామంటూ ఇంట్లోకి ప్రవేశించారు. ఆమెపై దాడికి దిగి, ఆమెకు చెందిన ఖరీదైన ఐప్‌ ఫోన్‌ 6 మొబైల్‌ ఫోన్‌ని దొంగిలించి, అక్కడి నుంచి పారిపోయారు. అలా పారిపోతుండగా వారి కార్‌ నెంబర్‌ ప్లేట్‌ని గుర్తించిన ఆ మహిళ పోలీసులకు ఫిర్యాదు చేయడంతో, పోలీసులు దుండగుల్ని అరెస్ట్‌ చేశారు. దుండగుల్లో ఒకరు ఇదివరకే ఆరు నెలలపాటు జైలు శిక్ష అనుభవించిన వ్యక్తి.