యూఏఈ: పవిత్ర రమదాన్ మాసం ముగియడానికి కేవలం రెండు వారాలు మాత్రమే మిగిలి ఉంది. ఈద్ అల్ ఫితర్ కోసం అరబ్ దేశాల నివాసితులు సన్నద్ధం అవుతున్నారు. హిజ్రీ క్యాలెండర్‌లో రమదాన్ తర్వాత వచ్చే నెల అయిన షవ్వాల్ మొదటి నాడు పవిత్ర మాసం తర్వాత జరుపుకునే ఈ సెలవుదినం 2023 మొదటి లాంగ్ వీకెండ్ కానుంది. ఏప్రిల్ 20 నుండి ఏప్రిల్ 23 వరకు రమదాన్ సెలవులు ఉంటాయని అంచనా వేస్తున్నారు. మార్చి 23న ఎమిరేట్స్‌లో పవిత్ర మాసం ప్రారంభమైంది. ఇస్లామిక్ క్యాలెండర్ ప్రకారం.. చంద్రుడు ఎప్పుడు కనిపిస్తాడో బట్టి 29 లేదా 30 రోజుల పాటు రమదాన్ ఉపవాసాలు కొనసాగుతాయి. ఖగోళ శాస్త్ర లెక్కల ప్రకారం.. ఈ సంవత్సరం రమదాన్ 29 రోజులపాటు ఉంటుంది.

మరోవైపు రమదాన్ పర్వదినం సందర్భంగా యూఏఈలో విమాన ఛార్జీలు పెరగడం, ప్రయాణ విచారణలు, బుకింగ్‌లు ఇప్పటికే ప్రారంభమయ్యాయి. చాలా మంది అగ్రిగేటర్లు ప్యాకేజీలు అమ్ముడయ్యాయని చెప్పడంతో - GCC అంతటా ఈద్ అల్ ఫితర్ వారాంతంలో జరిగే అవకాశం ఉన్న తేదీలు ఇక్కడ ఉన్నాయి.

బహ్రెయిన్
బహ్రెయిన్‌లో ఈద్ అల్ ఫితర్ శుక్రవారం, ఏప్రిల్ 21న వస్తుందని, ఏప్రిల్ 23 ఆదివారం వరకు కొనసాగే అవకాశం ఉంది.

కువైట్
కువైట్‌లో లాంగ్ వీకెండ్ ఏప్రిల్ 21 శుక్రవారం ప్రారంభమయ్యే అవకాశం ఉందని, ఏప్రిల్ 23 ఆదివారం వరకు పొడిగించవచ్చని స్థానిక మీడియా సంస్థలు అంచనా వేస్తున్నాయి.

ఒమన్
ఈద్ అల్ ఫితర్ యొక్క మొదటి రోజు శనివారం, ఏప్రిల్ 22 న వచ్చే అవకాశం ఉంది.  నివాసితులు తొమ్మిది రోజుల విరామం కోసం ఎదురు చూస్తున్నారు. దేశం ఇప్పుడు ప్రభుత్వ , ప్రైవేట్ రంగ ఉద్యోగులకు ఒకే విధంగా సెలవులను మంజూరు చేస్తుంది. 

ఖతార్
దేశంలో ఈద్ ఏప్రిల్ 21, శుక్రవారం ప్రారంభమయ్యే అవకాశం ఉంది. సెలవులు ఏప్రిల్ 23 ఆదివారం నుండి ఏప్రిల్ 25 మంగళవారం వరకు ఉండవచ్చు.

సౌదీ అరేబియా
ఈద్ అల్ ఫితర్ ఏప్రిల్ 18న ప్రారంభమవుతుందని.. ఏప్రిల్ 25, మంగళవారం ముగుస్తుందని, ఆ రోజు పని పునఃప్రారంభించబడుతుందని సౌదీ సెంట్రల్ బ్యాంక్ (SAMA) ఒక ట్వీట్‌లో ప్రకటించింది.