దుబాయ్: ప్రపంచంలోనే అతిపెద్ద పుస్తకాల సేల్ దుబాయ్‌లో ప్రారంభమైంది.  శుక్రవారం ఉదయం వందలాది మంది పుస్తక ప్రేమికులు ఈ బుక్ సేల్ కు తరలివచ్చారు. 75 శాతం వరకు తగ్గింపుతో మిలియన్ పుస్తకాలను బిగ్ బ్యాడ్ వోల్ఫ్ (BBW) విక్రయిస్తున్నట్లు ప్రకటించిన విషయం తెలిసిందే. ఏప్రిల్ 16 వరకు దుబాయ్ స్టూడియో సిటీలోని సౌండ్ స్టేజ్‌లో ఉదయం 9 గంటల నుండి తెల్లవారుజామున 2 గంటల వరకు బుక్ సేల్ కొనసాగుతుంది.  గత సంవత్సరంతో పోలిస్తే ఈసారి 60 నుండి 70 శాతం కొత్త పుస్తకాలు పాఠకులకు అందుబాటులో ఉన్నాయని BBW సహ-వ్యవస్థాపకుడు ఆండ్రూ యాప్ తెలిపారు.