మక్కా: ఉమ్రా చేస్తున్నప్పుడు తన తల్లిని తన భుజాలపై మోసే కొడుకుకు సబంధించిన ఓ వీడియో సోషల్ మీడియాలో వైరల్ అవుతోంది. చాలా మంది నెటిజన్లు ఈ వీడియోకు స్పందిస్తూ.. కామెంట్లు చేస్తున్నారు. తల్లి పట్ల అత్యంత శ్రద్ధ వహించే గొప్ప కర్తవ్యాన్ని నిర్వర్తించిన కొడుకుపై ప్రశంసలు కురిపిస్తున్నారు. పవిత్ర రమదాన్ మాసంలో తల్లికి ఇలా సేవల చేసిన కొడుకు అదృష్టవంతుడు అని కామెంట్స్ పెడుతున్నారు. శుక్రవారం సాయంత్రం పవిత్ర కాబా పరిసరాల్లో తన తల్లిని తన భుజాలపై మోసుకెళ్లేటప్పుడు యాత్రికులు వీడియో తీసి సోషల్ మీడియాలో అప్ లోడ్ చేయడంతో.. అది కాస్తా వైరల్ అయింది. సదరు వీడియోలో కొడుకు భుజాలపై కూర్చున్న వృద్ధ మహిళ(తల్లి) ఆనందంతో మునిగిపోవడం, తన ప్రియమైన కొడుకు తలపై ముద్దు పెట్టుకోవడం వీడియోలో కనిపించింది.