దిల్ రాజుకు ఈ మధ్య పెద్దగా కలిసి రావడం లేదు. బిల్డప్ ఎక్కువ, బిజినెస్ తక్కువ.. అన్న చందంగా మారింది రాజుగారి బిజినెస్. సంక్రాంతికి ‘వారసుడు’ సినిమాతో గట్టి దెబ్బే తినేశాడు దిల్ రాజు.

ఆ తర్వాత చిన్న సినిమా ‘బలగం’ తో ఎలాగోలా కాస్త తేరుకున్నట్లు కనిపించాడు. 

ఇప్పుడు ‘శాకుంతలం’ ప్రాజెక్ట్‌ని టేకప్ చేశాడు. నిజానికి ఈ సినిమాకి నిర్మాత గుణ శేఖరే అయినా, దిల్ రాజు కూడా ఆ బాధ్యతలో భాగం అయ్యారు. 

రిలీజ్ దగ్గర పడుతున్న నేపథ్యంలో ‘శాకుంతలం’కు అంతా తానే అన్నట్లుగా పబ్లిసిటీ స్టంట్స్‌ మొదలెట్టారు. అందులో భాగంగానే ఈ సినిమాని ఓ రేంజ్‌లో ప్రమోట్ చేస్తున్నారు దిల్ రాజు.

రాజుగారు ఆశించినట్లే ‘శాకుంతలం’ హిట్ అయితే, రాజుగారికి బాగానే ముడుతుందని ప్రత్యేకంగా చెప్పక్కర్లేదు. ఈ శుక్రవారం అనగా ఏప్రిల్ 14న ‘శాకుంతలం’ రిలీజ్ కానుంది. సమంత ప్రధాన పాత్రలో తెరకెక్కిన ఈ సినిమాపై అంచనాలు బాగానే వున్నాయ్. కానీ, చూడాలి మరి ఆడియన్స్ రిపోర్ట్ ఎలా వుండబోతోందో.!