యూఏఈ: మాంట్రియల్ ప్రోటోకాల్ 2014 (MP14)ను ఆమోదించడానికి యూఏఈ తీసుకున్న చర్యను ఎయిర్‌లైన్ పరిశ్రమలోని సంస్థలు స్వాగతించాయి. ఈ చర్య విమానాలలో అనుచిత, అంతరాయం కలిగించే ప్రయాణీకుల సంఘటనలకు వ్యతిరేకంగా ప్రపంచ చట్టపరమైన ప్రతిబంధకాన్ని బలోపేతం చేస్తుందన్నారు. కొత్త చట్టం 2023మే 1 నుండి అమలులోకి వస్తుంది. విమానం ఎక్కడ రిజిస్టర్ చేయబడిందనే దానితో సంబంధం లేకుండా దేశంలో దిగిన అనుచిత, అంతరాయం కలిగించే ప్రయాణీకులను అదుపులోకి తీసుకునేందుకు యూఏఈలోని అధికారులు అధికారాన్ని కలిగి ఉంటారు. ఇది అంతర్జాతీయ విమానయాన చట్టంలో ఇప్పటికే ఉన్న గ్యాప్‌ను పరిష్కరిస్తుందని విమానయాన సంస్థలు చెబుతున్నాయి. విమాన ప్రయాణంలో అంతరాయం కలిగించే ఫ్లైయర్‌లపై కఠినమైన జరిమానాల అమలును సులభతరం చేస్తుందని ఇంటర్నేషనల్ ఎయిర్ ట్రాన్స్‌పోర్ట్ అసోసియేషన్ (IATA)  పేర్కొంది. MP14ను ఆమోదించిన 44వ రాష్ట్రంగా యూఏఈ నిలిచింది.