కువైట్: హింసాత్మకంగా ఉన్న సూడాన్ నుండి కువైట్ పౌరులను విదేశాంగ మంత్రిత్వ శాఖ అత్యవసరంగా తరలించిందని కువైట్ విదేశాంగ మంత్రి షేక్ సలేం అబ్దుల్లా అల్-జాబర్ అల్-సబాహ్ తెలిపారు. స్వదేశానికి తిరిగి రావడానికి ముందే సౌదీ అరేబియాలోని జెద్దా చేరుకున్నారని మంత్రి పేర్కొన్నారు. ఈ విషయంలో సూడాన్‌లోని కువైట్ రాయబారి డాక్టర్ ఫహద్ అల్-దాఫిరి, ఎంబసీ సిబ్బంది చేసిన కృషిని ఆయన అభినందించారు. కువైట్‌ల తరలింపునకు సహకరించిన సౌదీ, సూడాన్ అధికారులకు కువైట్ విదేశాంగ మంత్రి కృతజ్ఞతలు తెలిపారు.