పదవి లో ఉన్న పెద్దలు మీరు,

మీ మాటకు  ఎదురెళ్లదు నీరు,

తిరుగు లేని మీ మాట

ప్రకంపనాల మూట,

ప్రజాస్వామ్యానికి తూట

ప్రజాధనం లో ఎంత మీ వాటా?

మూర్ఖులు వేసారు మీకు పెద్ద పీట,

మీ చుట్టూ దోపిడీ దొంగల ముఠా

ఎన్నో ఏండ్లుగా పెట్టుబడి మీద పైసా వడ్డీకి

నోచుకోని రాజకీయ పెట్టుబడి దారులు,

భూ కబ్జాలు చేసే బడాబాబులు మీరు.

పాపం! వాళ్లకి మీరిచ్చారు అవకాశం

కాలరాసిన కాల్ మనీ లో కాంతలందరూ

కామాంధుల చేతుల్లో, బౌన్సర్ల బాహుబలాల్లో

బలి పశువులైపొయారు!

మీ చట్టంలో నిర్దోషులపై లాఠి విసరగలదు!

ఓటు బ్యాంకు, నోటు బ్యాంకు మీకు ముఖ్యం,

రోజు కూలీ, రోగానికి మందు మాకు ముఖ్యం

మత తత్యాలు, కుల, వర్గపోరాటాలు,

ఇసుక, నీరు, భూమి కోసం నిత్యం తగాదాలు

నిత్య నరమేధాలు, ఆర్త నాదాలు!

--డా.కోడి రామా రావు(అల్ అయిన్)