యూఏఈ: గల్ఫ్ కోఆపరేషన్ కౌన్సిల్ (GCC) దేశాలు పర్యాటకుల కోసం 'స్కెంజెన్-శైలి" వీసాను ప్రారంభించాలని ఆలోచన చేస్తున్నట్లు సమాచారం. ఇది ఈ ప్రాంతంలోని అన్ని దేశాలకు ఆదాయాలు, పర్యాటకుల సంఖ్యను పెంచుతుందని భావిస్తున్నారు. అరేబియా ట్రావెల్ మార్కెట్ సందర్భంగా బహ్రెయిన్‌లోని పర్యాటక మంత్రి ఫాతిమా అల్ సైరాఫీ మాట్లాడుతూ.. ఏకీకృత సింగిల్ వీసాను ఎలా సాధించాలనే దానిపై జీసీసీ దేశాల మధ్య మంత్రుల స్థాయిలో చర్చలు జరుగుతున్నాయని తెలిపారు. దుబాయ్‌లోని అరేబియా ట్రావెల్ మార్కెట్‌లో జరిగిన “జీసీసీ కోసం ప్రయాణం భవిష్యత్తు” అనే అంశంపై జరిగిన చర్చా కార్యక్రమంలో అల్ సైరాఫీ పాల్గొని మాట్లాడారు. విదేశాల నుండి యూరప్‌కు ప్రయాణించే వ్యక్తులు సాధారణంగా ఒక దేశంలో కాకుండా అనేక దేశాలలో తమ సమయాన్ని వెచ్చించడం జరుగుతుందని పేర్కొన్నారు.   "మేము 2022 కోసం 8.3 మిలియన్ల మంది పర్యాటకులను లక్ష్యంగా పెట్టుకున్నాం. అయితే యూఏఈ, ఇతర GCC మార్కెట్‌లతో పాటు బహ్రెయిన్‌ను సహ-ప్రమోట్ చేసినందున 9.9 మిలియన్ల సందర్శకులను సాధించాము. దీంతో పర్యాటకుల సంఖ్య పెరిగింది. మేము 100-ప్లస్ టూర్ ఆపరేటర్ల ద్వారా ఏకీకృత గమ్యస్థానంలో సహ-ప్రమోట్ చేసినప్పుడు, ఫుట్‌ఫాల్ కూడా పెరిగింది. పర్యాటకుల జాతీయతల వైవిధ్యం కూడా పెరిగింది. ”అని అల్ సైరాఫీ చెప్పారు.

ప్యానల్ చర్చ సందర్భంగా ఆర్థిక మంత్రిత్వ శాఖ అండర్ సెక్రటరీ అబ్దుల్లా అల్ సలేహ్ మాట్లాడుతూ.. తమ ఆర్థిక వ్యవస్థల వృద్ధికి పర్యాటక రంగం చాలా కీలకమని అన్ని జీసీసీ దేశాలు విశ్వసిస్తున్నాయని తెలిపారు. “మాకు ఒక ఉమ్మడి మార్కెట్,  ఏకీకృత విధానాలు ఉన్నాయి. పర్యాటక రంగంలో, GCC అభివృద్ధిని సులభతరం చేయడానికి నిబంధనలు, విధానాలను కలిగి ఉండటం ద్వారా సరఫరా, డిమాండ్ వైపుల నుండి ప్రయోజనం పొందవచ్చు. జీసీసీలో ప్రజల రాకపోకలు పెరుగుతాయి. ”అని ఆయన అన్నారు. GCC దేశాలు ఈ ప్రాంతానికి వచ్చే సందర్శకులకు ముఖ్యంగా సుదూర సందర్శకులకు ఒక మంచి అనుభవాన్ని అందిస్తే, ఒక దేశాన్ని సందర్శించే బదులు, వారి సందర్శనలను మరింత పెంచే కార్యక్రమం ఉంటుందని విశ్వసిస్తుందని అల్ సలేహ్ పేర్కొన్నారు. 

సౌదీ టూరిజం అథారిటీ సీఈఓ ఫహద్ హమిదాద్దీన్ మాట్లాడుతూ.. ఈ రోజుల్లో ప్రయాణికులు దేశం గురించి ఆలోచించరు, ప్రాంతం గురించి ఆలోచించరని అన్నారు. "రేపటి ప్రయాణీకులు ఎల్లప్పుడూ మల్టీ స్టాప్‌లు, మార్గాలు,  ప్రాంతాలను చూస్తారని నేను నమ్ముతున్నాను." అని తెలిపారు. ఖతార్‌లో జరిగిన ఫిఫా ప్రపంచ కప్ నుండి సౌదీ అరేబియా గొప్పగా ప్రయోజనం పొందిందని, ఉమ్మడి ఆఫర్‌లను ప్రోత్సహించవచ్చని, అందరికీ ప్రయోజనం చేకూరుస్తుందన్న దానికి ఇది ప్రతిబింబిస్తుందని పేర్కొన్నారు.