మస్కట్: ఇండియన్ స్కూల్ ఇబ్రి తన 34వ వార్షిక దినోత్సవాన్ని మే 4న ఎంతో ఉత్సాహంగా, గర్వంగా జరుపుకుంది. వేడుకను "బ్రదర్‌హుడ్" అనే థీమ్ తో ఘనంగా నిర్వహించారు. ఈ సందర్భంగా ముఖ్య అతిథిగా హాజరైన ఒమన్ సుల్తానేట్ అల్ దహిరా గవర్నర్ నజీబ్ అలీ అహ్మద్ అల్- రావాస్ లాంగ్వేజ్ ల్యాబ్, డిజిటల్ లైబ్రరీ, త్రీడీ ల్యాబ్ ప్రారంభోత్సవం చేశారు. అనంతరం స్పోర్ట్స్ మరియు గేమ్స్ సౌకర్యాలను మెరుగుపరిచేందుకు వీలుగా ప్లేగ్రౌండ్‌కు శంకుస్థాపన చేశారు. ఆ తర్వాత ఆడిటోరియంలో జరిగిన వార్షిక దినోత్సవ వేడుకలలో పాల్గొని మాట్లాడారు.  ఇంకా ఈ కార్యక్రమంలో కౌన్సెలర్ (లేబర్ అండ్ కమ్యూనిటీ వెల్ఫేర్) మస్కట్, భారత రాయబార కార్యాలయం ఇర్షాద్ అహ్మద్, ఒమన్ సుల్తానేట్‌లోని భారతీయ పాఠశాలల BOD చైర్మన్ డాక్టర్ శివకుమార్ మాణికం లు గౌరవ అతిథులుగా హాజరయ్యారు. ఎస్‌ఎంసి అధ్యక్షులు నవీన్‌ విజయకుమార్‌ అతిథులకు స్వాగతం పలికారు. ప్రిన్సిపాల్ వి.ఎస్. సురేష్, పాఠశాల వార్షిక నివేదికను సమర్పించారు.