దుబాయ్: జూన్ 26న అన్ని పాఠశాలలను మూసివేయాలని నాలెడ్జ్ అండ్ హ్యూమన్ డెవలప్‌మెంట్ అథారిటీ (KHDA) క్లారిటీ ఇచ్చింది. ఇంతకుముందు ప్రైవేట్ పాఠశాలల మూసివేతపై  ఒక వార్తా వెబ్‌సైట్ పేర్కొన్న కథనం అనేక సందేహాలను లేవనెత్తింది. దీంతో అథారిటీ పుకార్లకు తెరదించుతూ.. ట్వీటర్ లో క్లారిటీ ఇచ్చింది.  ఇస్లామిక్ పండుగ ఈద్ అల్ అదాకు ప్రకటించిన సెలవులకు ఒక రోజు ముందు పాఠశాలలు మూసివేయబడతాయని నివేదికలో అథారిటీ పేర్కొంది.

ఖగోళ శాస్త్ర లెక్కల ప్రకారం, యూఏఈ నివాసితులు జూన్ 27 నుండి ఈద్ అల్ అదా కోసం ఆరు రోజుల సెలవులను ప్రకటించారు.  సాధారణ విద్యా క్యాలెండర్ ప్రకారం, సెప్టెంబర్‌లో (2022-23 విద్యా సంవత్సరం) ప్రారంభమైన పాఠశాలలు  జూన్ 28 లోపు ముగియకూడదు. వారి కొత్త విద్యా సంవత్సరం (2023-24) ఆగస్టు 28న ప్రారంభమవుతుంది. ఏప్రిల్‌లో 2023-24 విద్యా సంవత్సరాన్ని ప్రారంభించిన పాఠశాలలకు.. వేసవి సెలవులు జూలై 3న ప్రారంభమవుతాయి.  ఆగస్టు 28న తరగతులు పునఃప్రారంభమవుతాయి.