ఉడుత ఉపాయం
- June 22, 2015
ఒక అడవిలో రకరకాల జంతువులూ, పక్షులూ, పాములూ ఉండేవి. వాటన్నింటికి రాజు సింహం. రాజుననే గర్వంతో సింహం తనకి నచ్చినట్లుగా ప్రవర్తిస్తూ ఉండేది. ఆకలిగా ఉన్నా, లేకపోయినా జంతువుల వెంట పడి వాటిని భయభ్రాంతులను చేసేది. అవి భయంతో పరుగులు పెడుతుంటే దానికి సరదాగా ఉండి రోజూ జంతువులను ఆట పట్టించేది. వాటికి మాత్రం ఇదంతా ప్రతి రోజూ ప్రాణ సంకటం అయ్యేది. అయితే ఇదంతా రోజూ ఒక ఉడుత చెట్టు మీద నుంచి గమనిస్తూ ఉండేది. ఎలాగైనా ఈ సింహానికి బుద్ధి చెప్పాలని నిర్ణయించుకుంది. సింహం దగ్గరకు వెళ్లి ‘సింహ రాజా! నువ్వు చాలా బలశాలివి. నిన్ను చూసి ఎవరైనా భయపడి పారిపోతారని విర్రవీగుతున్నావు. కానీ నేను నీ కన్నా చాలా చిన్నవాడిని. అయినా నేను నిన్ను చూసి భయపడను. కావాలంటే నన్ను పట్టుకో చూద్దాం ’ అంటూ కవ్వించింది. దాని మాటలకి సింహానికి అరికాలి మంట నెత్తికెక్కింది. ‘ నా పాదమంతైనా లేని నువ్వు నన్ను వెటకారం చేస్తావా. ఉండు నీ సంగతి ఇప్పుడే చూస్తాను’ అంటూ దాని మీదకి ఉరికింది. ఈ అవకాశం కోసమే చూస్తున్న ఉడుత ఇరుకుప్రాంతాల నుండీ, చెట్టు పొదల మధ్య నుండీ, గెంతసాగింది. సింహం ఎంత వేగంగా పరుగెత్తినా అంతకు మించి వేగంతో ఉడుత పరుగెత్తసాగింది. ఎంతకీ ఉడుత అందకపోవడంతో సింహం మరింత వేగంగా దాన్ని వెంబడిరచసాగింది. అది గమనించిన ఉడుత ఒక లోయ వెంబడి ఉన్న చెట్టు పైకి ఎక్కి కూర్చుంది. అది గమనించక వేగంగా పరుగెడుతున్న సింహం ఉదుత ఎక్కిన చెట్టును ఢీకొట్టి, ఒళ్లు తూలడంతో పట్టు జారి లోయలో పడిపోయింది. తన పథకం ఫలించినందుకు ఉడుత ఎంతో సంతోషించి మిగిలిన జంతువులన్నింటినీ పిలిచి జరిగిందంతా చెప్పింది. సింహం బారి నుండి తమని కాపాడినందుకు అడవిలోని జంతువులన్నీ ఉడుతను పొగడ్తలతో ముంచెత్తాయి.
తాజా వార్తలు
- దుబాయ్ లో పెరిగిన టాక్సీ ఛార్జీలు..!
- 'డార్క్ స్కై పాలసీ' ప్రకటించిన అబుదాబి
- ఎజార్: రెంటర్స్ నుండి ప్రాపర్టీ హామీ తప్పనిసరి..!
- విమాన ప్రమాదాల బాధితులకు సహాయం.. ప్రమాణాలపై అంతర్జాతీయ సదస్సు
- ఈ ఏడాది అమల్లోకి GCC 'గ్రాండ్ టూర్స్ వీసా' ..!
- దుబాయ్ మెట్రో ప్రయాణికులకు గుడ్ న్యూస్..!
- షార్జాలో విషాదం.. లాక్ చేసిన కారులో ఏడేళ్ల చిన్నారి మృతి
- ఫుజైరాలో వైల్డ్ క్యాట్ పట్టివేత.. ఓనరుకు భారీ జరిమానా
- కువైట్ టవర్ టిక్కెట్ల ఫోర్జరీ.. ప్రవాసికి 7 ఏళ్ల జైలుశిక్ష
- టూరిజం ప్యాకేజీలను ఆవిష్కరించిన ఒమన్