అతిలోక సుందరి తనయ జాన్వీ కపూర్ ఎన్టీయార్‌తో ‘దేవర’ సినిమాతో సౌత్ ఎంట్రీ ఇస్తోన్న సంగతి తెలిసిందే. ఎప్పుటి నుంచో సౌత్ ఆడియన్స్ ఎదురు చూపులకు ఇప్పటికిలా తెర పడింది జాన్వీ ఎంట్రీతో.
అంతా బాగానే వుంది. బాలీవుడ్‌లో ఇప్పటికే చాలా సినిమాల్లో నటించింది జాన్వీ కపూర్. కానీ, కమర్షియల్ హీరోయిన్ అనిపించుకోలేకపోయింది. అందుకు కారణం బయట ఎంత గ్లామరస్‌గా కనిపిస్తుందో, అందుకు పూర్తి భిన్నంగా సినిమాల్లో కనిపిస్తుంటుంది. 
ఇంతవరకూ జాన్వీ నటించిన సినిమాల్లో ఎక్కడా గ్లామర్‌కి చోటివ్వలేదు జాన్వీ కపూర్. అయితే, బాలీవుడ్‌లో ఆమెకి అలా చెల్లిపోయిందంతే. కానీ, టాలీవుడ్‌లో అది చెల్లుతుందా.? 
‘దేవర’ సినిమాలో జాన్వీ కపూర్ గ్లామర్ కంచెలు తెంచాల్సిందేనా.? అయితే, ఈ సినిమాలో జాన్వీ ప్రాధాన్యత వున్న పాత్రలో కనిపించనుందంటూ టాక్ వినిపిస్తోంది. 
ఇప్పటికే రిలీజ్ చేసిన పోస్టర్‌లో డీ గ్లామర్ లుక్స్‌లోనే కనిపిస్తూ కాస్త గ్లామరస్‌గా అప్పీల్ ఇస్తోంది. జరుగుతోన్న ప్రచారం ప్రకారం, జాన్వీ నుంచి కావల్సినంత గ్లామర్ అవుట్ పుట్ రాబట్టబోతున్నారంటూ టాక్ నడుస్తోంది.
నిజమో, కాదో సినిమా రిలీజ్ అయితే గానీ తెలీదు.