కువైట్: కువైట్ లోని ఫింటాస్ ప్రాంతంలో విషాదకర ఘటన చోటుచేసుకుంది. ఓ వాహనం అదుపుతప్పి దుకాణంలోకి దూసుకెళ్లింది.  ఈ దుర్ఘటనలో ముగ్గురు వ్యక్తులు తీవ్రంగా గాయపడ్డారు. సోమవారం సాయంత్రం ఈ సంఘటన జరిగిందని పోలీసులు తెలిపారు. వాహనం అదుపు తప్పడంతోనే ప్రమాదం సంభవించిందని పోలీసులు ప్రాథమికంగా అంచనా వేశారు. సమాచారం అందుకున్న అగ్నిమాపక సిబ్బంది ఘటనా స్థలానికి చేరుకుని సహాయక చర్యలను చేపట్టిందన్నారు. క్షతగాత్రులను సమీపంలోని ఆస్పత్రికి తరలించినట్లు పోలీసులు వెల్లడించారు.