యూఏఈ: దుబాయ్ పోలీసులు అనేక మంది ఇజ్రాయెల్ అనుమానితులను అదుపులోకి తీసుకున్నారు. వారందరూ స్వదేశీయుడి(ఇజ్రాయెల్ కు చెందిన వ్యక్తి) మరణానికి కారణమని తెలిసిన తర్వాత పోలీసులు వారిని  అరెస్టు చేశారు. ఎంత మంది నిందితులను అదుపులోకి తీసుకున్నారనే విషయాన్ని పోలీసులు వెల్లడించలేదు. తదుపరి చట్టపరమైన చర్యల కోసం నిందితులను దుబాయ్ పబ్లిక్ ప్రాసిక్యూషన్‌కు రిఫర్ చేయనున్నట్లు దుబాయ్ మీడియా కార్యాలయం ట్విట్టర్ పోస్ట్‌లో తెలిపింది. ఈ ఘటనకు సంబంధించి మరిన్ని వివరాలు బయటకు రాలేదు. ఇజ్రాయెల్ మీడియా నివేదికల ప్రకారం.. మృతుడు అక్రే ప్రాంతానికి చెందిన 30 ఏళ్ల వ్యక్తిగా గుర్తించారు.