హీరోల మధ్య ఎప్పుడూ ఎలాంటి పొరపొచ్చాలూ వుండవ్. కానీ, అభిమానుల మధ్య మాత్రం పచ్చగడ్డి వేస్తే భగ్గుమంటుంది. ఈ ఫైర్ వల్ల ఏ అభిమానికీ లాభం వుండదు. అయినా కానీ ఎందుకో తెలీదు, ఈ పైత్యం అంతకంతకూ అంతే లేకుండా పెరిగిపోతూనే వుంది.

తాజాగా ఎన్టీయార్ అభిమానులూ, మహేష్ అభిమానులు కొట్టుకు ఛస్తున్నారు సోషల్ మీడియా వేదికగా. మొన్న ఎన్టీయార్ బర్త్‌డే విషయంలో మహేష్ ఫ్యాన్స్ ఎన్టీయార్‌ని ట్రోల్ చేశారు. తాజాగా మహేష్ కొత్త సినిమా పోస్టర్ విషయంలో ఎన్టీయార్ ఫ్యాన్స్ మహేష్‌తో ఆడుకుంటున్నారు.

ఎందుకొచ్చిన వెర్రితనం ఇది.? హీరోలు వీలు చిక్కినప్పుడల్లా ఈ వెర్రికి చరమగీతం పాడేలా మాట్లాడుతూనే వుంటారు. కానీ, వెర్రి అభిమానులే పట్టించుకోరంతే. సోషల్ మీడియాలో పాపం మహేష్‌ని పట్టుకుని ఎన్టీయార్ ఫ్యాన్స్ తాజాగా చేస్తున్న రచ్చ పిచ్చ పిచ్చగా వైరల్ అవుతోంది ప్రస్తుతం.