జిసిసి దేశాలు చమురు సంక్షోభాన్ని అధిగమించవలసి ఉందని జిసిసి సభ్య దేశాలు అభిప్రాయపడ్డాయి. జిసిసి కౌన్సిల్‌ ఆఫ్‌ మినిస్టర్స్‌ ఆఫ్‌ లేబర్‌ అండ్‌ సోషల్‌ ఎఫైర్స్‌ డైరెక్టర్‌ జనరల్‌ అమెర్‌ అల్‌ హజ్రి మాట్లాడుతూ, చమురు ధరల పతనం జిసిసి దేశాలపై తీవ్ర ప్రభావం చూపుతోందని అన్నారు. కేవలం చమురు ధరలపైనే ఆధారపడకుండా, ప్రత్యామ్నాయ ఆర్థిక వనరుల్ని అభివృద్ధి చేసుకుంటే, చమురు ధరల సంక్షోభం నుంచి జిసిసి దేశాలు బయటపడవచ్చని ఆయన చెప్పారు. చమురు ధరల పతనంతో దేశాల ఆర్థిక వ్యవస్థపై తీవ్ర ప్రభావం చూపుతోందనీ, ఈ ప్రభావం కార్మిక రంగంపైనా ఎక్కువగా ఉంటోందనీ, ఉద్యోగ, ఉపాధి అవకాశాలు తగ్గిన పక్షంలో, జిసిసి దేశాల ఆర్థిక వ్యవస్థ ఇంకా దారుణంగా ఉంటుందని ఆయన వివరించారు. సరికొత్త ఆలోచనలతో జిసిసి దేశాలు సమస్యను అధిగమించాల్సి ఉంది.