అబుధాబి: సింగిల్ యూజ్ ప్లాస్టిక్ పై నిషేధం విధించిన మొదటి సంవత్సరంలోనే సింగిల్ యూజ్ ప్లాస్టిక్ బ్యాగ్‌ల వినియోగంలో 95 శాతం వరకు తగ్గుదల కనిపించిందని ఎన్విరాన్‌మెంట్ ఏజెన్సీ - అబుధాబి (EAD)  ప్రకటించింది. నిషేధం వల్ల 172 మిలియన్లకు పైగా సింగిల్ యూజ్ ప్లాస్టిక్ బ్యాగులు  పర్యావరణంలోకి రాకుండా నిరోధించబడ్డాయని EAD ధృవీకరించింది. నిషేధం విధించిన  జూన్ 1 నుండి ఇప్పటి వరకు ప్రతిరోజూ 450,000 సింగిల్ యూజ్ ప్లాస్టిక్ బ్యాగ్‌లు సేవ్ చేయబడ్డాయి. అబుధాబి ఎమిరేట్‌లో సింగిల్ యూజ్ ప్లాస్టిక్ వస్తువులపై ఆధారపడటాన్ని తగ్గించడానికి, సుస్థిరత మరియు రీసైక్లింగ్ సంస్కృతిని పెంపొందించే చర్యగా EAD 2020లో తన సమగ్ర సింగిల్ యూజ్ ప్లాస్టిక్ పాలసీని ప్రారంభించిందని ఈఏడీ సెక్రటరీ జనరల్ డాక్టర్ షైఖా సలేం అల్ ధాహెరి తెలిపారు.