తమిళ డైరెక్టర్ వెంకట్ ప్రభు తెరకెక్కించిన ‘కస్టడీ’ సినిమా ఇటీవల ధియేటర్లలో సందడి చేసిన సంగతి తెలిసిందే. అయితే, ధియేటర్ ప్రేక్షకుల్ని సరిగా ఆకట్టుకోలేకపోయింది ‘కస్టడీ’.

రీసెంట్‌గా ఓటీటీలో ‘కస్టడీ’ని రిలీజ్ చేశారు మేకర్లు. అయితే, ఓటీటీ ప్రేక్షకుల్ని ధియేటర్‌తో పోల్చితే, ఒకింత బాగానే ఆకట్టుకుంది ‘కస్టడీ’.

నాగా చైతన్య పర్‌‌ఫామెన్స్, కృతి శెట్టి క్యూట్‌నెస్ అదరహో అనకపోయినా.. వారి వరకూ వారు బాగానే చేశారన్న కామెంట్స్ వస్తున్నాయ్ ఓటీటీ ప్రేక్షకుల నుంచి.

ముఖ్యంగా కృతి శెట్టిని ఈ సినిమా తర్వాత తెగ ఆడి పోసుకున్నారు. కానీ, ఈ సినిమాలో కృతి శెట్టికి గత సినిమాలతో పోల్చితే మంచి ప్రాధాన్యత గలిగిన పాత్ర దక్కింది. ఆ పాత్రలో కృతి శెట్టి నూటికి నూరు మార్కులు వేయించుకుంది. 

ఈ సినిమాతో డైరెక్టర్ వెంకట్ ప్రభుకి కృతి బాగా క్లోజ్ అయిపోయిందట. ఆమె టాలెంట్‌ని గుర్తించిన వెంకట్ ప్రభు కృతి శెట్టితో ఓ ప్రయోగాత్మక చిత్రం తీయబోతున్నాడనీ తెలుస్తోంది.