సోహార్: 2023 మొదటి త్రైమాసిక డిజిటల్ సూచీల ప్రకారం.. సోహార్ ఇండస్ట్రియల్ సిటీ పెట్టుబడి కార్యకలాపాలలో పెరుగుదలను నమోదు చేసింది.  ఇండస్ట్రియల్ హబ్, పబ్లిక్ ఎస్టాబ్లిష్‌మెంట్ ఫర్ ఇండస్ట్రియల్ ఎస్టేట్స్ (మడయన్)కి ఇది అనుబంధంగా ఉంది. ఇటీవల పెట్టుబడి కోసం 24 దరఖాస్తులు వచ్చాయి.  పారిశ్రామిక, సేవా మరియు వాణిజ్య రంగాలలో OMR44 మిలియన్ల వరకు పెట్టుబడి కోసం సంతకం చేసిన ఒప్పందాల రూపంలో పదహారు దరఖాస్తులు కార్యరూపం దాల్చాయని అధికారులు తెలిపారు.

సోహార్ ఇండస్ట్రియల్ సిటీలో 375 ప్రాజెక్టులు ఉన్నాయి. మొత్తం పెట్టుబడి పరిమాణం OMR2.2 బిలియన్లు. మొత్తం 30 మిలియన్ చదరపు మీటర్ల విస్తీర్ణం కలిగిన ఈ నగరం 13,828 మంది కార్మికులకు ఉపాధి కల్పిస్తోంది. వీరిలో 41.7 శాతం మంది ఒమానీలు ఉన్నారని సోహర్ ఇండస్ట్రియల్ సిటీ డైరెక్టర్ జనరల్ అబ్దుల్లా అహ్మద్ అల్ మయాసి తెలిపారు.  క్లీన్ ఎనర్జీకి ప్రపంచ పరివర్తనకు అనుగుణంగా సోహర్ ఇండస్ట్రియల్ సిటీ మొదటి దశగా 86 మెగావాట్ల సామర్థ్యంతో సోలార్ సెల్ ప్లాంట్‌ను ఏర్పాటు చేయాలని యోచిస్తోందని అల్ మయాసి చెప్పారు. 2025 నాటికి పూర్తి కావాల్సిన ఈ ప్రాజెక్ట్, 2050 నాటికి ఒమన్ యొక్క కార్బన్ న్యూట్రాలిటీ వ్యూహం (జీరో కార్బన్ ఎమిషన్స్) సాకారానికి దోహదం చేస్తుందని ఆయన ధృవీకరించారు.