హైదరాబాద్: రాగల మూడు రోజులు తెలంగాణ రాష్ట్రంలో వడగాలులు వీయనున్నట్లు హైదరాబాద్ వాతావరణం కేంద్రం తెలిపింది. రాగల మూడు రోజులు రాష్ట్రంలోని పలు జిల్లాల్లో వడగాలులు రావడానికి ఎక్కువ అవకాశం ఉందని పేర్కొంది. ఆదివారం, సోమవారం రాష్ట్రంలో కొన్ని జిల్లాలకు వాతావరణం కేంద్రం ఆరెంజ్ హెచ్చరిక జారీ చేసింది.

రాష్ట్రంలో రాగల మూడు రోజుల వరకు హైదరాబాద్ వాతావరణ కేంద్రం వాతావరణ విశ్లేషణ మరియు హెచ్చరికలు జారీ చేసింది. ఆదివారం ఉదయం 8:30 ఆధారంగా వాతావరణ హెచ్చరికలు చేసింది.

రాగల రెండు రోజులు తెలంగాణలోని ఆదిలాబాద్, కొమరం భీమ్ ఆసిఫాబాద్, మంచిర్యాల, నిర్మల్, జగిత్యాల, కరీంనగర్, పెద్దపల్లి, జయశంకర్ భూపాలపల్లి, ములుగు, భద్రాద్రి కొత్తగూడెం, ఖమ్మం, నల్గొండ, సూర్యాపేట, మహబూబాబాద్, వరంగల్, హన్మకొండ జిల్లాలలో కొన్ని ప్రాంతాలలో వడ గాల్పులు వీచే అవకాశం ఉందని పేర్కొంది.

రాష్ట్రంలోని ఆదిలాబాద్, కొమరం భీమ్ ఆసిఫాబాద్, మంచిర్యాల, నిర్మల్, నిజామాబాద్, భద్రాద్రి కొత్తగూడెం, ఖమ్మం, నల్గొండ, సూర్యాపేట జిల్లాలలో అక్కడక్కడ వడ గాల్పులు వీచే అవకాశం ఉందని తెలిపింది.