నిఖిల్ ఇప్పుడు ప్యాన్ ఇండియా స్టార్.. ఆ విషయం ‘కార్తికేయ 2’తో ప్రూవ్ చేసుకున్నాడు. అయితే, ఆ తర్వాత నిఖిల్ నుంచి వచ్చిన సినిమాలు ప్యాన్ ఇండియా వైడ్ రిలీజ్ కాలేదు. 

కానీ, ఈ నెల 29న రిలీజ్ కాబోయే నిఖిల్ తాజా చిత్రం ‘స్పై’ తెలుగుతో పాటూ హిందీ ఇతర భాషల్లోనూ రిలీజ్ అవుతోంది. 

ఈ సినిమా రిలీజ్ ఆగిపోయిందనీ, నిర్మాతలకీ నిఖిల్‌కీ మధ్య ఏదో గొడవ జరుగుతోందంటూ ప్రచారం జరిగింది. కానీ, తూచ్ అదంతా వుత్తదే అని తేలిపోయింది. ఎలాంటి ఆటంకాల్లేకుండా సినిమా రిలీజ్ అవుతోంది.

ఇదిలా వుంటే, తాజాగా నిఖిల్‌ని ట్యాగ్ చేస్తూ సోషల్ మీడియాలో ఓ నెటిజన్ ‘ప్రోపగండా స్టార్’ అంటూ విమర్శలు గుప్పించాడు.

అందుకు నిఖిల్ రెస్పాండ్ అయ్యాడు. ‘ నేషనల్ ప్రౌడ్ అనేది సమస్యా.? వన్ ఫ్రీ ఇండియా అనే ప్రొపగండాని మాత్రమే నమ్మే ప్రౌడ్ ఇండియన్‌ని నేను..’ అని సదరు నెటిజన్‌కి సమాధానమిచ్చాడు నిఖిల్. ఇప్పుడీ ట్వీట్ నెట్టింట వైరల్ అవుతోంది.