మహేష్ బాబు, పూజా హెగ్ధే కాంబినేషన్‌లో ఆల్రెడీ ‘మహర్షి’ సినిమా వచ్చింది. సూపర్ హిట్ అయ్యింది ఆ సినిమా. ఈ పెయిర్ కూడా హిట్ పెయిర్. సో, మహేష్ తాజా మూవీ ‘గుంటూరు కారం’ కోసం ముందే పూజా హెగ్ధే పేరు కన్‌ఫామ్ చేసేశారు డైరెక్టర్ త్రివిక్రమ్ శ్రీనివాస్.
అయితే, ఈ సినిమాకి ఆది నుంచీ ఆటంకాలే. ఏదో ఒక రకంగా షూటింగ్ నిలిచిపోతోంది. అనుకున్న టైమ్‌కి షెడ్యూల్స్ కంప్లీట్ కావడం లేదు. పూజా హెగ్థే కేవలం తెలుగులోనే కాదు, హిందీలోనూ సినిమాలు చేస్తుండడంతో డేట్స్ అడ్జస్ట్ కావడం లేదట. 
దాంతో, మహేష్ సినిమాని వదులుకోవల్సి వచ్చిందనీ ఆమె సన్నిహితుల ద్వారా సమాచారం అందించింది. ఇంతవరకూ ఈ ఇష్యూపై రకరకాల దుష్ప్రచారాలు సర్క్యులేట్ అయ్యాయ్. తాజాగా బుట్టబొమ్మ ఇచ్చిన ఈ క్లారిటీతో ఈ లొల్లికి చెల్లు చీటీ పడినట్లైంది.