నిఖిల్ జోరు బాగా పెరిగింది. అనూహ్యంగా ప్యాన్ ఇండియా ఇమేజ్ దక్కించుకున్నాడు నిఖిల్. ‘ కార్తికేయ 2’ సినిమాతో అది సాధ్యమైంది నిఖిల్ సిద్ధార్ధకి.
అయితే, తాజాగా నిఖిల్ తీరు పూర్తిగా మారిపోయిందనే చెప్పాలి. ఇప్పటి వరకూ కొంచెం తగ్గి వున్న నిఖిల్‌ ఎందుకో సడెన్‌గా కాస్త అతి చేస్తున్నట్లు కనిపిస్తున్నాడు.
ఇకపై తన నుంచి వచ్చే సినిమాలన్నీ ప్యాన్ ఇండియా సినిమాలే అని అధికారికంగా ఓ ప్రకటన రిలీజ్ చేశాడు. ఈ ప్రకటనే నిఖిల్ అతిని బయట పెట్టిన అంశం. 
ప్రస్తుతం ‘స్పై’ మూవీ ప్రమోషన్లతో బిజీగా వున్నాడు నిఖిల్. ఇది ప్యాన్ ఇండియా సినిమానే. ఓకే ఈ సబ్జెక్ట్ అలాంటిది కాబట్టి, దీన్ని ఆ లిస్టులో వేయొచ్చు. కానీ, తర్వాత వచ్చే వాటి ముచ్చట కూడా ఇప్పుడే కన్‌ఫామ్ చేస్తే ఎలా.?
అంతా మంచే జరిగి, ‘స్పై’ హిట్ అయితే ఫర్వాలేదు. కానీ, ఏమైనా తేడా కొట్టిందంటే నిఖిల్ పరిస్థితి ఏంటీ.? సో, కాస్త తగ్గితే మంచిదని నిఖిల్‌కి ఆయన సన్నిహితులు స్వీట్ వార్నింగ్ ఇస్తున్నారట.