మనామా: తామ్కీన్ (Tamkeen) మరియు సోషల్ ఇన్సూరెన్స్ ఆర్గనైజేషన్ (SIO) ఫ్రాడ్ కేసులో నిందితులకు 10 ఏళ్ల జైలుశిక్షలు ఖరారయ్యాయి. నకిలీ డాక్యుమెంట్స్ మరియు తప్పుడు ఎంట్రీలను ఉపయోగించి BD230,000 కంటే ఎక్కువ డ్రా చేసినందుకు ఇద్దరు నిందితులకు 10 ఏళ్ల జైలు శిక్షతోపాటు ఒక్కొక్కరికి BD100,000 చెల్లించాలని హై క్రిమినల్ కోర్ట్ ఆదేశించింది. మిగిలిన నిందితులకు ఒక సంవత్సరం జైలు శిక్ష మరియు BD500 జరిమానాలను కోర్టు సమర్థించింది.

సోషల్ ఇన్సూరెన్స్ ఆర్గనైజేషన్ ఫిర్యాదు మేరకు ఆర్థిక నేరాలు మరియు మనీ లాండరింగ్ ప్రాసిక్యూషన్ కేసులను నమోదు చేసి విచారించింది. నిందితులు ఫేక్ ప్రైవేట్ పత్రాలను ఉపయోగించారని గుర్తించారు. అలాగే, నిందితులు BD140,000 కంటే ఎక్కువ మొత్తాలను తీసుకున్నారని ఆరోపిస్తూ తామ్కీన్ ఫిర్యాదు చేసినట్లు ప్రాసిక్యూటర్లు తెలిపారు.