దాదాపు రెండు దశాబ్ధాలుగా తమన్నా తన కెరీర్‌ని సక్సెస్‌ఫుల్‌గా కొనసాగిస్తోంది. తమన్నా విషయంలో ఇంతవరకూ అఫైర్లు అనే రూమర్లు రాలేదనే చెప్పాలి. స్ర్కీన్ పైన కూడా హద్దులు దాటి (ముద్దు సీన్లు గట్రా) ఎప్పుడూ నటించింది లేదు తమన్నా. 
అందుకే ప్రత్యేకమైన గౌరవం వుంది తమన్నాపై ఇంతవరకూ. కానీ, ఇప్పుడా గౌరవానికి మకిలి అంటేలా వుంది. అందుకు కారణం ఈ మధ్య తమన్నా లవ్‌లో పడడమే. బాలీవుడ్ నటుడు విజయ్ వర్మతో తన ప్రేమను ఇటీవలే తమన్నా కన్‌ఫామ్ చేసిన సంగతి తెలిసిందే. 
ఒక్కసారి లవ్‌లో పడితే ఇంతేనా.? ఆ నటుడితోనే ఆన్ స్ర్కీన్ ముద్దులకు గ్రీన్ సిగ్నల్ ఇచ్చేసి, తమన్నా తరచూ వార్తల్లో నిలుస్తోంది. అదేనండీ తమన్నా ప్రస్తుతం ‘లస్ట్ స్టోరీస్ 2’ వెబ్ సిరీస్‌లో నటిస్తున్న సంగతి తెలిసిందే. 
ఈ సిరీస్‌లో తమన్నా తన రియల్ లైఫ్ బాయ్ ఫ్రెండ్ విజయ్ వర్మతో కలిసి గాఢమైన ముద్దు సీన్లే కాదు, ఇంటిమేట్ సీన్లలోనూ నటించేసిందట. ఇదే ఇప్పుడు హాట్ టాపిక్ అయిపోయింది తమన్నా విషయంలో. 
ఓ వైపు చిరంజీవి (భోళా శంకర్), రజనీకాంత్ (జైలర్) వంటి స్టార్ హీరోల సరసన హీరోయిన్‌గా నటిస్తూనే ‘లస్ట్ స్టోరీస్ 2’ వంటి అడల్ట్ సీరిస్‌లో నటించాల్సిన ఖర్మ ఎందుకు.? దిగజారుడుతనం కాకపోతేనూ.! ఇదీ తమన్న విషయంలో వస్తున్న విమర్శలు.