కువైట్: రహదారిపై ప్రమాదకరమైన స్టంట్‌ను ప్రదర్శించి నిర్లక్ష్యంగా వ్యవహారించిన డ్రైవర్‌ను అరెస్టు చేసినట్లు కువైట్‌ పోలీసులు తెలిపారు. ఆ తర్వాత ఈ వీడియో పలు సామాజిక మాధ్యమాల్లో వైరల్‌గా మారడంతో అధికారులు రంగంలోకి దిగి విచారణ చేపట్టి డ్రైవర్ ను అదుపులోకి తీసుకున్నారు. డ్రైవర్ అతని ప్రాణాలతోపాటు స్టంట్ చేయడం వల్ల ఇతరులకు ప్రమాదం ఉందని పేర్కొంటూ.. గల్ఫ్ దేశ అంతర్గత వ్యవహారాల మంత్రిత్వ శాఖ (MoI) సదరు వీడియోను షేర్ చేసింది. కువైట్ అధికారులు వెంటనే వాహనాన్ని స్వాధీనం చేసుకున్నారని, అతడిపై చట్టపరమైన చర్యలు తీసుకున్నారని తెలిపారు. రోడ్డుపై నిర్లక్ష్యంగా వాహనం నడిపితే వెంటనే సమాచారం అందించాలని ప్రజలను కోరింది.