రియాద్: జూన్ 25 నుండి జూలై 2 వరకు దుల్ హిజ్జా 7 నుండి 14 వరకు 4,252,000 మంది ఆరాధకులు,  సందర్శకులు ప్రవక్త మస్జీదును సందర్శించినట్టు ప్రవక్త మస్జీదు ప్రెసిడెన్సీ ఏజెన్సీ ప్రకటించింది.  భద్రత, సేవ, ఆరోగ్యం, అత్యవసర మరియు స్వచ్ఛంద సంస్థల సమన్వయంతో యాత్రికులు, సందర్శకులు మరియు ఆరాధకులకు సాధ్యమైనంత ఉత్తమమైన సేవలను అందించినట్టు పేర్కొంది. 271,173 కంటే ఎక్కువ మంది సందర్శకులు రావ్దా షరీఫ్‌ను సందర్శించారు. 6,782 కంటే ఎక్కువ మంది వృద్ధులు వారి కోసం కేటాయించిన స్థలాల నుండి ప్రయోజనం పొందారు. 14,766 మంది సందర్శకులు ప్రవక్త మసీదులో మతపరమైన ఉపన్యాసాల ప్రయోజనాన్ని పొందారు. క్షేత్ర అవగాహన కార్యక్రమాల నుండి 4,703 మందికి పైగా ప్రయోజనం పొందారు. అయితే మతపరమైన మార్గదర్శక సేవల లబ్ధిదారులు 11,534 మంది ఉన్నారు  అని ప్రెసిడెన్సీ పేర్కొంది. యాత్రికులు, ఆరాధకులకు మొత్తం 46,138 బహుమతులు పంపిణీ చేసినట్టు తెలిపింది. 17,650 మంది ఎగ్జిబిషన్‌లను సందర్శించారని ప్రెసిడెన్సీ నివేదిక సూచించింది. ప్రెసిడెన్సీ 203,294 జమ్జామ్ వాటర్ బాటిళ్లను మరియు ఉపవాసం ఉన్నవారికి 426,457 భోజనాలను పంపిణీ చేసిందని వెల్లడించింది.