మదీనా: ప్రవక్త మస్జీదు పక్కన ఉన్న అల్-సఫియా ఎమర్జెన్సీ కేర్ సెంటర్‌లోని వైద్య బృందం 23 నిమిషాల కార్డియోపల్మోనరీ రిససిటేషన్ (CPR) ద్వారా ఇరాకీ మహిళా యాత్రికురాలి ప్రాణాలను కాపాడింది. మదీనా హెల్త్ క్లస్టర్ ప్రకారం.. రోగికి తదుపరి చికిత్సను పూర్తి చేయడానికి ఆమెను కింగ్ సల్మాన్ మెడికల్ సిటీకి తరలించినట్లు తెలిపారు. హజ్ యాత్రికులలో 20,000 కంటే ఎక్కువ కేసులను పరిశీలించామని,  పదకొండు కార్డియాక్ కాథెటరైజేషన్‌లు, 27 డయాలసిస్ సెషన్‌లు,  తొమ్మిది సర్జరీలు నిర్వహించినట్టు మదీనాలోని వైద్య బృందాలు తెలియజేశాయి.