పవర్ స్టార్ పవన్ కళ్యాణ్, సాయి ధరమ్ తేజ్ కాంబినేషన్‌లో వస్తున్న మూవీకి సంబంధించి ఒక్కొక్కటిగా వస్తున్న అప్డేట్స్ ఫ్యాన్స్‌కి పిచ్చ కిర్రాకెత్తిస్తున్నాయనే చెప్పాలి. 

ఇంతవరకూ టీజర్, ఓ లిరికల్ సాంగ్ రిలీజ్ చేశారు. రెండూ రెండే. టీజర్‌లో చాలా వరకూ కట్ చేసేశారు పవన్, తేజ్ కలిసి వున్న కాంబో సీన్లు.. దాంతో, టీజర్‌తోనే ఫ్యాన్స్ ఫిదా అయిపోయారు. 

ఇక ఆ తర్వాత వచ్చిన ‘మై డియర్ మార్కండేయ’ లిరికల్ సాంగ్ రిలీజ్ చేశారు. ఈ సాంగ్‌లో తేజ్ స్టెప్పులేస్తుండగా, పవన్ కళ్యాణ్ అలా అలా కనిపించి తనదైన స్టైలింగ్‌తో పిచ్చ లేపేశాడు.

అయితే, ఎక్కడో కాస్త వెలితి.. అన్నట్లుగా ఈ సాంగ్‌పై అభిప్రాయాలు వచ్చాయ్ సోషల్ మీడియాలో. దాంతో, ఫాన్స్‌కి తాజా అప్‌డేట్ ఇచ్చారు ఈ సాంగ్ మేకింగ్ వీడియోతో. ఇది కదా అసలు సిసలు పవర్ అంటే. ఈ మేకింగ్ వీడియోలో పవన్ కళ్యాణ్ జోష్‌కి ఫ్యాన్స్ ఎక్కడికో వెళ్లిపోతున్నారు. ఇది కదా జోష్ అంటే.! ఇది నెక్స్‌ట్ లెవల్ బ్రో అంటూ ఫ్యాన్స్ పండగ చేసుకుంటున్నారు. 

నిజంగానే ఫుల్ జోష్‌తో కనిపిస్తున్నాడు పవన్ కళ్యాణ్ ఈ మేకింగ్ వీడియోలో. ‘బ్రో’ ఈ నెల 28న గ్రాండ్‌గా రిలీజ్ కాబోతోంది. కేతిక శర్మ, ప్రియా ప్రకాష్ వారియర్ హీరోయిన్లుగా నటిస్తుండగా, ఊర్వశి రౌతెలా స్పెషల్ సాంగ్‌లో నటిస్తోంది.