హాలీవుడ్ వెబ్ సిరీస్ ‘సిటాడెల్’ తెలుగు వెర్షన్‌లో సమంత నటిస్తున్న సంగతి తెలిసిందే. ఇంగ్లీష్ వెర్షన్‌లో ప్రియాంకా చోప్రా నటించింది. ప్రియాంకా చోప్రా నటించిన ఈ హాలీవుడ్ వెర్షన్ ఇటీవలే ఓటీటీలో సందడి చేసింది. కానీ, అంతగా ఆకట్టుకోలేకపోయింది. 

అయితే, ఆ సిరీస్ చూశాకా, సమంతను ఈ సిరీస్‌లో ఎలా చూపించారా.? అన్న అంశంపై ఆడియన్స్‌లో ఆసక్తి నెలకొంది. తాజాగా ఈ సిరీస్‌ కంప్లీట్ అయిపోయిందంటూ సమంత సోషల్ మీడియా హ్యాండిల్ ద్వారా ఓ పోస్ట్ పెట్టింది.

ఈ రోజు అనగా జూలై 13 తనకెంతో ప్రత్యేకమైనదిగా పేర్కొంది సమంత. ఇటీవల సమంత కొన్నాళ్లు విరామం తీసుకోబోతోందన్న వార్త ఫ్యాన్స్‌ని కలవరపాటుకు గురి చేసిన సంగతి తెలిసిందే. పర్సనల్ లైఫ్‌కి సంబంధించి సమంత ఈ నిర్ణయం తీసుకున్నట్లు ప్రచారం జరిగింది.

ఈ లోపే తాను ఒప్పుకున్న ప్రాజెక్టులన్నీ కంప్లీట్ చేయాలనుకుంటోందట. అందులో భాగంగానే ‘సిటాడెల్’ వెబ్ సిరీస్ పూర్తి చేసేసింది. ఇక, ‘ఖుషీ’ సినిమా లాస్ట్ షెడ్యూల్ జరుగుతోంది. మరికొద్ది రోజుల్లోనే ఈ సినిమా కూడా పూర్తి కానుంది. ఈ సినిమా కోసం విజయ్ దేవరకొండతో సమంత జత కడుతోంది. ఈ సినిమా ప్రచార చిత్రాల్లో సమంత కొత్తగా కనిపిస్తోంది. రౌడీతో సమంత జోడీ ఆకట్టుకుంటోంది.