తెలుగులో స్టార్ హీరోయిన్‌గా వెలుగొందుతోన్న రష్మిక మండన్నా, ప్రస్తుతం బాలీవుడ్ ప్రాజెక్టులతో బిజీగా గడుపుతున్న సంగతి తెలిసిందే. తెలుగు ప్రాజెక్టులను పట్టించుకోలేనంత బిజీగా వుంది రష్మిక మండన్నా.

ఈ క్రమంలోనే తెలుగులో ఆల్రెడీ కమిట్ అయిన ‘పుష్ప 2’లో రష్మిక మండన్నా నటిస్తోంది. దీంతో పాటూ, ఓ హీరోయిన్ సెంట్రిక్ మూవీ (రెయిన్ బో) లోనూ రష్మిక నటిస్తోంది. 

ప్రస్తుతానికి తెలుగులో రష్మిక చేతిలో వున్న ప్రాజెక్టులివే. అయితే, తాజాగా అందుతోన్న సమాచారం ప్రకారం, ఓ చిన్న హీరో సినిమాకి రష్మిక మండన్నా ఓకే చేసినట్లు తెలుస్తోంది. 

ఆయన మరెవరో కాదు, ‘డీజె టిల్లు’ ఫేమ్ సిద్దు జొన్నలగడ్డ. ప్రస్తుతం ‘టిల్లు స్క్వేర్’లో నటిస్తున్న సిద్దు జొన్నలగడ్డ.. కొత్త సినిమా కోసం హీరోయిన్‌గా ఓ పాపులర్ హీరోయిన్ కోసం వేటాడుతున్నాడట.

ఆ క్రమంలోనే రష్మిక మండన్నాకి భారీ రెమ్యునరేషన్ ఆఫర్ చేసి, తన సినిమాలో హీరోయిన్‌గా ఫిక్స్ చేసుకున్నట్లు ప్రచారం జరుగుతోంది. చూడాలి మరి ఈ ప్రచారంలో నిజమెంతో.!