యూఏఈ: దుబాయ్‌లోని కొన్ని ప్రముఖ రెసిడెన్షియల్ కమ్యూనిటీలలో ఇ-స్కూటర్‌లను ఇష్టానుసారంగా పార్క్ చేయడం, కాలిబాటలను అడ్డుకోవడం, పార్కింగ్ స్లాట్‌లను స్వాధీనం చేసుకోవడంపై పలువురు నివాసితులు, వాహనదారులు ఫిర్యాదు చేస్తున్నారు. అల్ బార్షాలో నివసించే ఫిలిపినో నిర్వాసి అయిన మార్క్ మాట్లాడుతూ.. మార్గాలు, వీధులను అడ్డుకునే ఇ-స్కూటర్‌లతో తాను పోరాడుతున్నానని చెప్పాడు. వీల్‌చైర్‌తో ఉన్న ఇష్టానుసారంగా పార్కింగ్ చేసే సైకిళ్లు, ఇ-స్కూటర్‌ల ద్వారా తీవ్ర ఇబ్బందిగా మారుతుందన్నారు. "నేను ఇ-స్కూటర్‌ని ఉపయోగిస్తాను. ఇది చాలా సౌకర్యవంతంగా ఉంటుంది. కానీ కొంతమంది రైడర్‌లు బాధ్యతాయుతంగా వ్యవహరించకపోవడం ఆమోదయోగ్యం కాదు" అని డీరా నివాసి తెలిపారు. అలాగే కొన్ని పెయిడ్ పార్కింగ్ ప్రాంతాలలో కార్ల మధ్య ఇ-స్కూటర్లు పార్క్ చేయడంపై కొందరు వాహనదారులు ఆందోళన వ్యక్తం చేశారు.   

దుబాయ్‌లో, ఇ-స్కూటర్‌లు మరియు సైకిళ్లతో సహా సుస్థిరమైన రవాణా మార్గాల వినియోగాన్ని బాగా ప్రోత్సహించారు. ప్రజల భద్రతను నిర్ధారించడానికి నగరం అంతటా ట్రాక్‌లు, నియమించబడిన జోన్‌లు ఏర్పాటు చేశారు. ఇ-స్కూటర్ రైడర్‌లందరూ పర్మిట్ పొందవలసి ఉంటుంది. ప్రతి ఒక్కరూ బాధ్యతాయుతంగా వ్యవహరించాల్సి ఉంటుంది. దుబాయ్‌లో సైకిళ్లు , ఇ-స్కూటర్‌ల వాడకంపై నిబంధనలు, వేగ పరిమితి, కనీస వయస్సు, భద్రతా గేర్ అవసరాలు, ఇతర ముందు జాగ్రత్త చర్యలను తెలిపే  ఎగ్జిక్యూటివ్ కౌన్సిల్ తీర్మానాన్ని గత సంవత్సరం ఆమోదించారు. ప్రత్యేకించి, సైకిల్ లేదా ఇ-స్కూటర్‌ను అడ్డగోలుగా పార్కింగ్ చేయడం అనేది శిక్షార్హమైన ట్రాఫిక్ నేరం.ఇందుకు 200 దిర్హామ్‌ల పెనాల్టీ విధించే అవకాశం ఉంది.