దుబాయ్‌ పోలీసులు సరికొత్త డివైజ్‌తో హార్డ్‌ షోల్డర్‌ ఓవర్‌టేకింగ్‌పై డేగ కన్ను వేయనున్నారు. ఈ డివైజ్‌లో అత్యాధునికమైన కెమెరా ఉంటుందనీ, హై క్వాలిటీతో ఫొటోలను తీస్తుందని దుబాయ్‌ పోలీస్‌ చీఫ్‌ మేజర్‌ జనరల్‌ ఖామిస్‌ మట్టర్‌ అల్‌ మజెనా చెప్పారు. దుబాయ్‌ రోడ్లపై ఈ తరహా డివైజ్‌లు 20 ఏర్పాటు చేయడానికి ప్రయత్నిస్తునామని ఆయన అన్నారు. దుబాయ్‌ రోడ్లపై భద్రతే ప్రధాన ధ్యేయంగా తీసుకుంటున్న చర్యల్లో భాగంగా ఈ కెమెరాలను ఏర్పాటు చేస్తున్నట్లు మట్టర్‌ అల్‌ మజెనా వివరించారు. హార్డ్‌ షోల్డర్‌ ఓవర్‌టేకింగ్‌కి 600 దిర్హామ్‌ల జరీమానాతోపాటు, ఆరు బ్లాక్‌ పాయింట్స్‌, వీటితోపాటుగా ఒక నెల ఇన్‌పౌండ్‌మెంట్‌ విధించనున్నారు. హార్డ్‌ షోల్డర్‌ ఓవర్‌టేకింగ్‌ అత్యంత ప్రమాదకరమనీ, అత్యంత వేగంగా వాహనాల్ని అతి ప్రమాదకరంగా ఓవర్‌టేక్‌ చేయడం వల్ల ఇతరుల ప్రాణాలకు ముప్పు వుంటుందని ప్రతి వాహనదారుడూ అనుకోవాలని ఆయన చెప్పారు. ఈ డివైజ్‌ దుబాయ్‌ పోలీస్‌ శాఖ సాంకేతిక పనితీరుకు నిదర్శనమని ఖామిస్‌ మట్టర్‌ అల్‌ మజెనా వ్యాఖ్యానించారు.