బెంగుళూరు: భార‌త అంత‌రిక్ష ప‌రిశోధ‌నా సంస్థ ఇస్రో చంద్రుడి అధ్య‌య‌నం కోసం చంద్ర‌యాన్ ప్రాజెక్టును చేప‌ట్టిన విష‌యం తెలిసిందే. దానిలో భాగంగానే ఇటీవ‌లే చంద్ర‌యాన్‌-3 స్పేస్‌క్రాఫ్ట్‌ను కూడా ప్ర‌యోగించింది. ప్ర‌స్తుతం ఆ స్పేస్‌క్రాఫ్ట్ చంద్రుడి క‌క్ష్య‌లో ఉంది. ఇక ఇప్పుడు ఇస్రో.. మ‌రో చ‌రిత్ర‌కు శ్రీకారం చుడుతోంది. త్వ‌ర‌లో సూర్యుడి అధ్య‌య‌నం కోసం ఆదిత్య ఎల్‌-1(Aditya L-1) మిష‌న్‌ను చేప‌ట్ట‌నున్న‌ది. అయితే ఆదిత్య ఎల్‌-1 మిష‌న్‌కు చెందిన ఫోటోల‌ను సోమ‌వారం ఇస్రో అప్‌డేట్ చేసింది. బెంగుళూరులో త‌యారైన ఆ శాటిలైట్ ఇప్పుడు శ్రీహ‌రికోటకు చేరుకున్న‌ది. తొట్ట‌తొటి సారి సూర్యుడిని అధ్య‌య‌నం చేసేందుకు ఇస్రో స‌మాయాత్త‌మైంది. అయితే సెప్టెంబ‌ర్ మొద‌టి వారంలో ఆదిత్య ఎల్‌-1ను ప్ర‌యోగించే అవ‌కాశాలు ఉన్నాయి.