రియాద్: సౌదీ ఫుడ్ అండ్ డ్రగ్ అథారిటీ (SFDA) వివిధ ఉల్లంఘనలకు పాల్పడినందుకు జెడ్డాలోని మూడు వైద్య సామాగ్రి,  పరికరాల గోదాములను మూసివేసింది. ఈ గోదాముల్లో అనేక ఉల్లంఘనలను గుర్తించినట్లు అథారిటీ తెలిపింది. ఉల్లంఘనలలో లైసెన్స్ పొందకుండా 5,500 వైద్య ఉత్పత్తులను నిల్వ చేయడం ప్రధానమైనదని తెలిపారు. రెండు గిడ్డంగుల్లో అనుచితమైన పరిస్థితుల్లో నిల్వ చేసిన 300 గడువు ముగిసిన ఉత్పత్తులు,  3,500 వైద్య ఉత్పత్తులను తమ ఇన్‌స్పెక్టర్లు గుర్తించినట్లు SFDA పేర్కొంది. గోదాములను నిర్వహిస్తున్న వారిపై శిక్షార్హమైన చర్యలు తీసుకోవాలంటూ అధికార యంత్రాంగం సమన్లు జారీ చేసింది. 1,700 వైద్య ఉత్పత్తులను లైసెన్సు పొందకుండానే ప్రమాదకరంగా గోదాములో నిల్వ చేసినట్లు గుర్తించారు.  యూనిఫైడ్ నంబర్‌కు (19999) కాల్ చేయడం ద్వారా ఏదైనా సంస్థల ఉల్లంఘనల గురించి నివేదించాలని అథారిటీ కోరింది.