‘డెవిల్ ది బ్రిటీష్ సీక్రెట్ ఏజెంట్’ అనే ట్యాగ్‌తో వస్తున్న కళ్యాణ్ రామ్ తాజా చిత్రం నవంబర్ 24న ప్రేక్షకుల ముందుకు రానుంది. ఈ నేపథ్యంలో చిత్ర యూనిట్ ప్రమోషన్ కార్యక్రమాలు వేగవంతం చేసింది. వినాయక చవితి సందర్భంగా ఈ నెల 19న ఫస్ట్ సింగిల్ రిలీజ్ చేయనున్నట్లు ప్రకటించింది.

ఇప్పటికే రిలీజ్ అయిన ఫస్ట్ లుక్, గ్లింప్స్ సినిమాపై ఆసక్తి కలిగించేలా వున్నాయ్. సీక్రెట్ ఏజెంట్‌గా పీరియాడిక్ డ్రామా నేపథ్యంలో ఈ సినిమా తెరకెక్కుతున్నట్లు కనిపిస్తోంది.

‘బింబిసార’తో బ్లాక్ బస్టర్ హిట్ అందుకున్న కళ్యాణ్ రామ్ ఆ తర్వాత ‘అమిగోస్’తో బోల్తా కొట్టాడు. మళ్లీ ఈ ‘డెవిల్’ సినిమాతో బౌన్స్ బ్యాక్ అవుతాడని ఆశిస్తున్నారంతా.

అన్నట్లు ఈ సినిమాలో ‘విరూపాక్ష’తో పాపులర్ అయిన సంయుక్త మీనన్ హీరోయిన్‌గా నటిస్తోంది. నవీన్ మేడారం దర్శకత్వం వహిస్తున్న ఈ చిత్రాన్ని అభిషేక్ పిక్చర్స్ పతాకంపై రూపొందిస్తున్నారు.