జెడ్డా: సౌదీ అరేబియాలోని చాలా ప్రాంతాలలో ఆదివారం నుండి గురువారం వరకు పిడుగులు పడే అవకాశాలు ఉన్నాయని ప్రజలు జాగ్రత్తగా ఉండాలని పౌర రక్షణ జనరల్ డైరెక్టరేట్  పిలుపునిచ్చింది. రాజ్యంలోని పలు ప్రాంతాలలో మోస్తరు నుండి భారీ వర్షాలు కురుస్తాయని డైరెక్టరేట్ తెలిపింది. మక్కా ప్రాంతంలోని తైఫ్, మైసన్, అధమ్ మరియు అల్-అర్దియాత్‌తో పాటు అసిర్, జజాన్ మరియు అల్-బాహా ప్రాంతాలలో మోస్తరు నుండి భారీ వర్షాలు కురుస్తాయి. ఇది కుండపోత వర్షాలు, వడగళ్ళు , ఇసుక తుఫానులకు దారితీయవచ్చని హెచ్చరించింది. మక్కా ప్రాంతంలోని మక్కా నగరం, అల్-జమూమ్, అల్-కమిల్, కున్‌ఫుదా మరియు అలైత్‌లతో పాటు నజ్రాన్, అల్-బహా, మదీనా మరియు ప్రాంతాలలో ఈదురుగాలులతో కూడిన తేలికపాటి నుండి మోస్తరు వర్షాలు కురుస్తాయని డైరెక్టరేట్ సూచించింది. సివిల్ డిఫెన్స్ ప్రజలను సురక్షిత ప్రదేశాలలో ఉండాలని, లోతట్టు ప్రదేశాలకు దూరంగా ఉండాలని కోరింది. ముఖ్యంగా వరదల వచ్చే ప్రాంతాలకు దూరంగా ఉండాలని సూచించింది. సోషల్ నెట్‌వర్కింగ్ సైట్‌ల ద్వారా డైరెక్టరేట్ ప్రకటించిన సూచనలకు కట్టుబడి ఉండాలని ప్రజలను కోరారు.