దుబాయ్‌: పాన్ ఇండియాలో ఫిలిం టూరిజానికి ఎంతో కృషి చేస్తున్న ఫిలిం అండ్ టెలివిజ‌న్ ప్ర‌మోష‌న్ కౌన్సిల్ ఆఫ్ ఇండియా (FTPC India) గ్లోబ‌ల్‌లో త‌మ విస్త‌ర‌ణ‌ను కొన‌సాగిస్తుంది. దుబాయ్ మ‌రియు గల్ఫ్ దేశాలకు ఎఫ్‌టీపీసీ ఇండియా చిత్తర్వు శ్రీకాంత్‌ను కో-ఆర్డినేట‌ర్‌గా, జ్యూరి మెంబ‌ర్‌గా నియ‌మించిన‌ట్లు ఎఫ్‌టీపీసీ ఇండియా అధ్య‌క్షులు చైత‌న్య జంగా, కార్య‌ద‌ర్శి పీవీఎస్ వ‌ర్మ శుక్ర‌వారం సంయుక్త ప్ర‌క‌ట‌న‌లో తెలిపారు.గల్ఫ్ దేశాలు అయిన యూఏఈ,ఒమన్,సౌదీ అరేబియా,కువైట్,ఖతార్,బహ్రెయిన్ లో భార‌తీయ చ‌ల‌న‌చిత్ర ప‌రిశ్ర‌మ టెక్నిషియ‌న్స్‌కు సాంకేతిక స‌హ‌కారాలు అంద‌జేయ‌డంలో ఇది ఎంతో దోహ‌ద‌ప‌డుతుంద‌ని తెలిపారు. అలాగే భ‌విష్య‌త్తులో మ‌రిన్ని దేశాల‌కు కో-ఆర్డినేట‌ర్ల‌ను నియ‌మించి విశ్వవ్యాప్తంగా త‌న ఉనికిని ఎఫ్‌టీపీసీ ఇండియా చాటుకుంటుంద‌న్నారు. ఫిలిం స‌మ్మిట్స్‌ను ఏర్పాటు చేయ‌డం, ఫిలిం టూరిజాన్ని అభివృద్ధి చేయ‌డం, ఫిలిం ఇండ‌స్ట్రీలో అంద‌రికీ అవ‌కాశాలు క‌ల్పించ‌డంలో త‌మ సంస్థ ఎంత‌గానో కృషి చేస్తుంద‌ని తెలిపారు.