రియాద్: సామాజిక భద్రతా పింఛను SR1100 నుండి SR1320కి చేరుకునేలా 20 శాతం పెంచుతూ రాయల్ డిక్రీని జారీ చేసినట్లు మానవ వనరులు, సామాజిక అభివృద్ధి మంత్రిత్వ శాఖ ప్రకటించింది. రెండు పవిత్ర మసీదుల సంరక్షకుడు కింగ్ సల్మాన్ ఆదేశాల మేరకు పెంచినట్లు తెలిపింది. పౌరుల జీవన ప్రమాణాలను మెరుగుపరచడంలో..వారి ఆర్థిక భారాలను తగ్గించడానికి ఇది దోహదం చేస్తుందన్నారు. క్రౌన్ ప్రిన్స్,  ప్రధాన మంత్రి,  కౌన్సిల్ ఆఫ్ ఎకనామిక్ అండ్ డెవలప్‌మెంట్ అఫైర్స్ చైర్మన్ మహ్మద్ బిన్ సల్మాన్ చేసిన సిఫార్సుకు అనుగుణంగా రాజు పింఛను పెంపు ఆదేశాలను జారీ చేసినట్లు మంత్రిత్వ శాఖ వెల్లడించింది.   సామాజిక భద్రత పెన్షన్ పెంపులో అర్హులైన కుటుంబ సభ్యులందరూ ఉంటారు. ప్రతి కుటుంబానికి పెన్షన్ గరిష్ట పరిమితి SR5000 దాటకుండా జారీ చేస్తారు.