‘జవాన్’ సినిమాతో అట్లీ బాలీవుడ్‌కి దర్శకుడిగా పరిచయమయ్యాడు. తొలి ప్రయత్నంలోనే సూపర్ సక్సెస్ అందుకున్నాడు అట్లీ. అంతవరకూ ప్లాపుల్లో సతమతమవుతున్న షారూఖ్ ఖాన్‌కి ‘జవాన్’ బ్లాక్ బస్టర్ హిట్ ఇచ్చింది.

బాలీవుడ్ బాక్సాఫీస్ వద్ద కాసుల వర్షం పండించింది ఈ సినిమా. దీంతో, ఇప్పుడు నార్త్ సినీ జనం దృష్టి సౌత్‌పై మేకర్లపై పడింది. ప్రముఖ బాలీవుడ్ ఫిలిం మేకర్  కరణ్ జోహార్ త్వరలో తీయబోయే సినిమా కోసం ఓ సౌత్ డైరెక్టర్‌ని వేటాడే పనిలో వున్నాడట.

ఈ సినిమాని ఆయన సౌత్ హీరో అయిన విజయ్ దేవరకొండతో రూపొందించబోతున్నాడు. ‘లైగర్’ సినిమా టైమ్‌లోనే విజయ్‌ దేవరకొండతో కరణ్ జోహార్ ఇంకో సినిమాకి మాటిచ్చారు. ‘లైగర్’ ఫ్లాప్ అవ్వడం.. విజయ్ దేవరకొండ గ్యాప్ తీసుకోవడంతో ఈ ప్రాజెక్ట్ కొలిక్కి రాలేదింతవరకూ.

ఇటీవలే ‘ఖుషి’ సినిమాతో విజయ్ దేవరకొండ మళ్లీ ఫామ్‌లోకి వచ్చాడు. దాంతో, కరణ్ జోహార్ ఈ ప్రాజెక్ట్ విషయంలో ముందుకు కదిలారనీ తెలుస్తోంది. త్వరలోనే ఓ ప్రముఖ సౌత్ డైరెక్టర్‌తో ఈ సినిమాని పట్టాలెక్కించబోతున్నాడనీ తెలుస్తోంది. ప్రస్తుతం గౌతమ్ తిన్ననూరి సినిమాతో విజయ్ దేవరకొండ బిజీగా వున్న సంగతి తెలిసిందే.!