హైదరాబాద్: సింగపూర్ ఎయిర్లైన్స్ 20వ వార్షికోత్సవం సందర్భంగా అదనపు విమానాలను ప్రారంభించింది.వైబ్రెంట్ లయన్ సిటీలో మారువలేని అనుభవాన్ని పొందండి. సింగపూర్ ఎయిర్లైన్స్ ద్వారా జీఎంఆర్ హైదరాబాద్ ఇంటర్నేషనల్ ఎయిర్ పోర్ట్ లిమిటెడ్ (జీహెచ్ ఐఏఎల్) అదనపు విమానాలను ప్రారంభించింది. ఆస్ట్రేలియా, న్యూజిలాండ్, దూరప్రాచ్య ఆసియాలను అన్వేషించేవారికి ముఖ్య రవాణా కేంద్రం అయిన సింగపూర్ కు సౌకర్యవంతమైన సుదూర విమాన ప్రయాణానికి పెరుగుతున్న డిమాండ్ ను తీర్చడానికి ఈ అదనపు విమానాలను ప్రవేశపెట్టారు. ప్రయాణీకులు, సంభందించిన సిబ్బందితో పండుగ వాతావరణం మధ్య విమానయాన సంస్థల 20వ వార్షికోత్సవాన్ని జరుపుకోవడానికి జిహెచ్ ఐఎఎల్ కు చెందిన సీనియర్ అధికారులు, సింగపూర్ ఎయిర్లైన్స్ కు చెందిన ముఖ్య అధికారులు, ఇతర విమానాశ్రయ భాగస్వాములు టెర్మినల్ కు వచ్చారు.

అక్టోబర్ 29 నుంచి సింగపూర్ ఎయిర్లైన్స్ కు చెందిన ఎస్ క్యూ 519 విమానం హైదరాబాద్ నుంచి 11.20 గంటలకు (IST) బయలుదేరి 18.20 గంటలకు (సింగపూర్ స్టాండర్డ్ టైమ్) సింగపూర్ చేరుకుంటుంది. సింగపూర్ ఎయిర్లైన్స్ ఫ్లైట్ ఎస్క్యూ 518 సింగపూర్ నుంచి 0800 గంటలకు (సింగపూర్ స్టాండర్డ్ టైమ్) బయలుదేరి 1015 గంటలకు (IST) హైదరాబాద్ చేరుకుంటుంది. హైదరాబాద్ నుంచి సింగపూర్ తదితర ప్రాంతాలకు వెళ్లే ప్రయాణికులకు ఈ ఐదు వారపు నాన్ స్టాప్ విమానాలు మరింత కనెక్టివిటీ ఎంపికలను  అందిస్తాయి. రోజువారీ సాయంత్రం బయలుదేరే విమానం SQ522/SQ523 కొరకు వైడ్-బాడీ ఎయిర్ క్రాఫ్ట్ A350-900ని  ప్రవేశపెట్టడం ద్వారా మెరుగైన కోచ్ అనుభవాన్ని అందిస్తుంది.

హైదరాబాద్ నుంచే కాకుండా తెలంగాణ, ఆంధ్రప్రదేశ్, దక్షిణ-మధ్య భారతదేశంలోని అన్ని ప్రధాన నగరాల నుంచి విద్య, పర్యాటక, వ్యాపార ప్రయాణాలకు పెరుగుతున్న డిమాండ్ కు సింగపూర్ కు విమానాల సంఖ్య పెరగడం నిదర్శనం. ఆగ్నేయాసియా యొక్క వ్యాపార కేంద్రంగా ఉండటమే కాకుండా, సింగపూర్ షాపింగ్ కోసం అత్యంత డిమాండ్ ఉన్న పర్యాటక ప్రదేశాలలో ఒకటి, ప్రత్యేకమైన సాంస్కృతిక అనుభవాలను అందిస్తుంది. కాబట్టి ఇప్పుడే మీ టిక్కెట్ను బుక్ చేసుకోండి!