రియాద్: సౌదీ అరేబియా అధ్యక్షతన నవంబర్ 11న రియాద్‌లో అరబ్ దేశాధినేతలు,  నాయకుల శిఖరాగ్ర సమావేశం అత్యవసర సమావేశం జరగనుంది. అరబ్ లీగ్ కౌన్సిల్ అసాధారణ సమావేశాన్ని శిఖరాగ్ర స్థాయిలో నిర్వహించాలని పాలస్తీనా, సౌదీ అరేబియా నుండి అధికారిక అభ్యర్థనను అందుకున్నట్లు అరబ్ లీగ్ జనరల్ సెక్రటేరియట్ ప్రకటించింది. అరబ్ లీగ్ ప్రస్తుత 32వ సెషన్‌కు సౌదీ అరేబియా అధ్యక్షత వహిస్తోంది. గాజా స్ట్రిప్‌లో పాలస్తీనా ప్రజలపై కొనసాగుతున్న ఇజ్రాయెల్ దురాక్రమణపై చర్చించేందుకు సమ్మిట్ నిర్వహించాలని పాలస్తీనా, సౌదీ అరేబియా నుండి జనరల్ సెక్రటేరియట్ సోమవారం అధికారిక అభ్యర్థనను స్వీకరించిందని అరబ్ లీగ్ అసిస్టెంట్ సెక్రటరీ జనరల్ అంబాసిడర్ హోసామ్ జాకీ తెలిపారు. అరబ్ సభ్య దేశాలకు పాలస్తీనా, సౌదీ మెమోరాండంలను జనరల్ సెక్రటేరియట్ సర్క్యులేట్ చేసిందని తెలిపారు.