ఫిలిప్పినోకి చెందిన ఓ వ్యక్తి సిట్రాలో జరిగిన రోడ్డు ప్రమాదంలో మృతి చెందారు. ఈ ప్రమాదంలో మరో ఐదుగురు వ్యక్తులకు గాయాలయ్యాయి. ఓ మినీ బస్సు, రెండు కార్లు రోడ్డు ప్రమాదానికి గురయ్యాయని, ప్రమాదంలో వాహనాలు తీవ్రంగా దెబ్బతిన్నాయని పోలీసు అధికారులు వెల్లడించారు. మృతిచెందిన ఫిలిప్పినో వ్యక్తి ఫోర్డ్‌ కారుని డ్రైవ్‌ చేస్తున్నాడు. ప్రమాదం జరిగిన వెంటనే అతన్ని ఆసుపత్రికి తరలించినప్పటికీ, అతని ప్రాణాల్ని కాపాడలేకపోయారు. ప్రమాదానికి గురైన మరో కారుని బహ్రెయిన్‌కి చెందిన వ్యక్తి నడుపుతున్నాడు. ఆయనకు గాయాలయ్యాయి. ప్రస్తుతం అతని ఆరోగ్య పరిస్థితి నిలకడగానే ఉంది. ప్రమాదం చోటుచేసుకున్న తరువాత వాహనాల్లోనివారిని బయటకు తీయడానికి కట్టర్లను ఉపయోగించారు పోలీసులు.