కువైట్: కువైట్‌లో చలికాలం ప్రారంభం కానుంది. నవంబర్ 10వ తేదీ నుండి చలికాలం ప్రారంభం కానుందని అల్-ఉజైరి సైంటిఫిక్ సెంటర్ ప్రకటించింది. కువైట్ లో నవంబర్ 10వ తేదీన "అల్అహిమర్ నక్షత్రం సూర్యాస్తమయం" అని పిలువబడే ఖగోళ సంఘటన చోటుచేసుకోనుందని, ఇది 40 రోజుల పాటు కొనసాగుతుందని అల్-ఉజైరి సైంటిఫిక్ సెంటర్ వెల్లడించింది. ఇది దేశంలోకి చల్లని ఉత్తర గాలుల ప్రవేశాన్ని సూచిస్తుంది. ఈ గాలుల రాకతో శీతాకాలపు చలి ప్రారంభమవుతుంది. ఈ కాలంలో క్రమంగా  ఉష్ణోగ్రతలు తగ్గుతాయని సైంటిఫిక్ సెంటర్ పేర్కొంది.