యూఏఈ: తీర ప్రాంతాలు,  కొన్ని అంతర్గత ప్రాంతాలకు ఆరెంజ్, ఎల్లో అలెర్ట్ ను జాతీయ వాతావరణ కేంద్రం (NCM) జారీ చేసింది.   అథారిటీ షేర్ చేసిన మ్యాప్ ప్రకారం.. అబుదాబి, దుబాయ్, షార్జా మరియు ఇతర ఎమిరేట్స్‌లోని కొన్ని ప్రాంతాలకు రెయిన్ అలర్ట్ వర్తిస్తుంది. ఆదివారం రాత్రి 8.30 గంటల వరకు అమలులో ఉంటుంది.  వర్షంలో డ్రైవింగ్ చేస్తున్నప్పుడు జాగ్రత్త వహించాలని వాహనదారులను హెచ్చరించించింది. డ్రైవర్లు ట్రాఫిక్ నిబంధనలను పాటించాలని, ప్రతికూల వాతావరణంలో అతివేగాన్ని నివారించాలని షార్జా పోలీసులు కోరారు.  వర్షం సమయంలో లోతట్టు ప్రాంతాలు, లోయలలోకి వెళ్లవద్దని సూచించింది. ముఖ్యంగా తూర్పు ప్రాంతాలు ఆకస్మిక వరదలకు గురయ్యే అవకాశం ఉందని, నివాసితులు ఈ ప్రాంతాలకు దూరంగా ఉండాలని NCM హెచ్చరించింది. దీంతో అబుదాబిలో 26°C, దుబాయ్‌లో 27°C కి ఉష్ణోగ్రతలు తగ్గుతాయి. పర్వత ప్రాంతాలలో ఈరోజు ఉష్ణోగ్రత 16 డిగ్రీల సెల్సియస్‌కు పడిపోయే అవకాశం ఉందని పేర్కొంది.