యూఏఈ: గాజాలో కొనసాగుతున్న యుద్ధం కారణంగా తదుపరి నోటీసు వచ్చేవరకు ఎమిరేట్స్ ఎయిర్‌లైన్ ఇజ్రాయెల్‌కు విమాన సర్వీసులను నిలిపివేసింది. దుబాయ్‌కు చెందిన క్యారియర్ మొదట ఇజ్రాయెల్ రాజధాని టెల్ అవీవ్‌కు, ఇతర నగరాలకు సర్వీసులను తొలుత అక్టోబర్ 20 వరకు నిలిపివేసింది. గతంలో దీనిని అక్టోబర్ 26 వరకు పొడిగించారు. ఫ్లాగ్‌షిప్ క్యారియర్ ఫ్లైట్ సస్పెన్షన్‌లను నవంబర్ 14 వరకు, ఆపై మళ్లీ నవంబర్ 30 వరకు పొడిగించింది. కొత్త అప్‌డేట్‌లో తదుపరి నోటీసు వచ్చే వరకు టెల్ అవీవ్‌కు తదుపరి కనెక్షన్‌లు ఉన్న కస్టమర్‌లను అంగీకరించబోమని ఎయిర్‌లైన్ తెలిపింది.  అక్టోబరు 7న యుద్ధం ప్రారంభమైనప్పటి నుండి ఇజ్రాయెల్ దాడుల్లో 14,100 మందికి పైగా పాలస్తీనియన్లు మరణించారు. ఇందులో 5,800 మంది పిల్లలు, 3,900 మంది మహిళలు ఉన్నారని గాజా ఆరోగ్య శాఖ వెల్లడించింది. విమాన సస్పెన్షన్‌ల వల్ల ప్రభావితమైన ప్రయాణీకులు ప్రత్యామ్నాయాలు, రీఫండ్‌లు, రద్దులు లేదా వారి విమాన ప్రయాణాలను రీబుక్ చేయడం కోసం తమ బుకింగ్ ఏజెంట్‌లను సంప్రదించాలని సూచించింది.