జెడ్డా: 2023 సంవత్సరానికి సంబంధించిన జాతీయ ఆరోగ్య సర్వే ప్రకారం.. సౌదీలలో స్థూలకాయం 23.7 శాతానికి చేరుకుంది. సౌదీ పురుషులలో ఊబకాయం రేటు 23.9 శాతంగా ఉండగా, మహిళల్లో 23.5 శాతానికి చేరుకుంది.  మొత్తం ఊబకాయం 23.7 శాతానికి చేరుకుందని సర్వే ఫలితాలు వెల్లడించాయి. సర్వే ప్రకారం.. 15 సంవత్సరాలు మరియు అంతకంటే ఎక్కువ వయస్సు ఉన్న పెద్దలలో ఊబకాయం సుమారు 24 శాతానికి చేరుకుంది. 15 ఏళ్లలోపు పిల్లల విషయానికొస్తే, వారిలో ఊబకాయం 7.3 శాతం ఉండగా, సాధారణ బరువు తక్కువగా ఉన్నవారు 41 శాతం ఉన్నారు. రోజుకు ఒకటి లేదా అంతకంటే ఎక్కువ సార్లు కూరగాయలు, పండ్లు తినే పెద్దల శాతం వరుసగా 37 శాతం మరియు 25 శాతంగా ఉంది. ఏదో రకమైన స్మోకింగ్ చేసే పెద్దల శాతం దాదాపు 18 శాతంగా ఎండగా.. టీనేజర్లలో ఇది 17.5 శాతంగా ఉంది. ఇక స్మోకింగ్ చేయని వారి శాతం 82.5 శాతంగా ఉన్నట్లు సర్వేలో తేలింది.